నిలకడ, హద్దులు, నమ్మకం, కెరీర్, గతం, వేగం

 1 .) నిలకడ.. 

ఎంత పెద్ద స్థాయికి ఎదిగినా ఒక సంస్థ ఎప్పుడు కూడా స్టార్ట్ అప్ దశలో ఉన్నప్పటి ఆకలి, దూకుడు ,వినయంగా ఆలోచించే తత్వాన్ని కోల్పోకూడదు .ఎంతటి దిగ్గజాలతో  పోటీ పడాల్సి వచ్చినా వినయ పూర్వకమైన కసివల్ల నే  నిలకడ సాధ్యమౌతుంది. 

.. మార్క్ పేపర్ మాస్టర్.. బిజినెస్ ఎగ్జిక్యూటివ్..

2 . ) హద్దులు..

మనం నిర్దేశించుకునే లక్ష్యాలు సులభంగా అందుకోగలిగేలా కాకుండా మన సౌకర్యవంతమైన హద్దుల నుంచి మనల్ని బయటకి లాగే లా ఉండాలి .కొంత భయం ఉన్నప్పుడే మన లక్ష్యాలు మనల్ని శిఖరాగ్రాలకు చేరుస్తాయి. తేలికగా పూర్తయ్యేవి లక్ష్యాలు  కావు. 

.. అమితాబ్ చౌదరి, యాక్సిస్ బ్యాంక్ సీఈవో 

3 .) నమ్మకం..

స్వేచ్ఛ ,స్వయం నిర్ణయా అవకాశం ఉన్నప్పుడే ఉద్యోగులలో పని పట్ల శ్రద్ధ, ఆసక్తి పెరుగుతాయి. పై వాళ్లే ప్రతి చిన్న విషయాన్ని పర్యవేక్షించడం వల్ల సిబ్బంది సృజనాత్మకత, పనితీరు దెబ్బతింటుంది .లీడర్ కి జట్టు సభ్యుల సామర్థ్యం పై నమ్మకం ఉండాలి.

..ఆండ్రూ గడ్జెక్కీ..

4 .) కెరీర్..

నా కెరీర్ మొత్తంలో నాకు బాగా సహాయపడిన నైపుణ్యం ఏమిటంటే కొత్త సాంకేతికతలను నేర్చుకుంటూ ఉండడం. నేర్చుకోండి, నేర్చుకున్నది వదిలేసి మళ్లీ నేర్చుకోండి ,అంతే తప్ప నేర్చుకున్న దానితో ప్రేమలో పడకండి. అది నిరంతరం అభివృద్ధి చెందుతూనే ఉంటుంది. 

 .. ఆల్విన్ ఫూ, వెంచర్ పార్ట్ నర్..

5 . ) గతం..

గతం మన గమ్యాన్ని నిర్ణయించలేదు. జీవితంలో మనం ఎదుర్కొన్న అనుభవాలు లేదా కష్టాలు మన కథలో ఒక భాగం మాత్రమే తప్ప, అవే మన జీవితానికి ముగింపు కాదు .మన ప్రయాణాన్ని తిరిగి మొదలుపెట్టే స్వేచ్ఛ ఎప్పుడూ మన చేతులలోనే ఉంటుంది.

.. వయోలా డేవిస్..హాలీవుడ్ నటి.

6 . ) వేగం..

మీరు ఒత్తిడిలో ఉన్నప్పుడు సాహసోపేతమైన అడుగులను వేగంగా వేయాలి. నెమ్మదిగా కాదు. సంశయం వల్ల లేదా ఆలస్యం చేయటం వల్ల ఒత్తిడి పెరుగుతుంది తప్ప తగ్గదు.సంక్షోభం నుంచి బయటపడి ఎందుకు ఆచితూచి అడుగేస్తే లాభం లేదు.

.. అజీం ప్రేమ్ జీ, టెక్ దిగ్గజం

చిన్న చిన్న అలవాట్లే..

 నాలుగు మంచి మాటలు 19-10-2026

చిన్న చిన్న అలవాట్లే మంచి భవిష్యత్తును నిర్మిస్తాయి..

ఏ ఒక్కరూ తమ జీవితాన్ని రాత్రికి రాత్రి పాడుచేసుకోరు వ్యాయామం మానేయడం పనులను రేపటికి వాయిదా వేయడం వంటి చిన్న చిన్న సాకులు చెబుతూ పోవడం వల్లనే జీవితం చెడిపోతుంది అలవాట్లే భవిష్యత్తును శాసిస్తాయి. 

జైమ్ మెక్ అలిస్టర్.. కంటెంట్ క్రియేటర్.. 

వయసుతోపాటు ఆలోచనలు మారాలి..

వయసు 40 దాటిన తర్వాత నేను ఏ ఏ ఆహారాలు మానేయాలి అని మాత్రమే ఆలోచించకండి. బదులుగా నా శరీరానికి ఇప్పుడు ఏది తక్కువవుతుంది అని ప్రశ్నించుకోండి .ప్రోటీన్లు, కూరగాయలు, పీచు పదార్థాలతో కూడిన నాణ్యమైన ఆహారంతో మీ భోజనాన్ని ప్రారంభం చేయండి. 

బిగ్లీ మురళి, ఫిట్ నెస్ కోచ్ . 

వ్యక్తిగత అభివృద్ధి అనేది ఇమిడి ఉండేది ఈ మూడు అంశాలలోని..

పనులను క్రమం తప్పకుండా చేస్తూ ఉండడం,  పూర్తిగా సిద్ధంగా లేకపోయినా ముందే పని మొదలుపెట్టడం.. పదిమంది ఏమనుకుంటారో అని ఆందోళన చెందకపోవడం ..వ్యక్తిగత అభివృద్ధి/సెల్ఫ్ హెల్ప్ రంగంలోని సారాంశం ఇదే..

డిక్కీ బుష్..రచయిత.

ఎక్కువ కాలం ఆరోగ్యంగా జీవించాలని కోరుకుంటున్నారా..

సోషల్ మీడియాలో కనిపించే కృత్రిమ టెక్నికులు మోజులను పక్కనపెట్టి మీ జీవన నాణ్యతను మెరుగుపరుచుకోవడం పై దృష్టి పెట్టండి. బరువు పెరగకుండా ఉండడం ,వ్యాయామాలు చేయడం, శరీరాన్ని చురుగ్గా ఉంచుకోవడం , స్నేహితులతో సమయం గడపడం, ఉదయం లేవడానికి ఒక స్పష్టమైన లక్ష్యాన్ని కలిగి ఉండడం వంటివి చేయండి. ఇవన్నీ మీరు దీర్ఘకాలం ఆరోగ్యంగా ఉండడంలో సహాయపడతాయి. 

డాన్ గో.. పెర్ఫార్మెన్స్ కోచ్..

ప్రేమించమనో, వద్దు అనో మనం ఎవరిని బలవంతం చేయలేము  అసలు హృదయం అనేదే ఎవరి నియంత్రణలో లేనిది. అదే దాని బలము, బలహీనత. అందుకే దానితో ఆడుకోకూడదు.

..చిత్రా బెనర్జీ దివాకరుని,రచయిత్రి.

మనం కోరుకునే లక్షణాలు మనలోనే ఉండాలి..

నిస్వార్థం ఉన్న జీవిత భాగస్వామి మీ అవసరాలను గుర్తిస్తారు. ఎలాంటి లెక్కలు వేసుకోకుండా త్యాగాలు చేస్తారు. మీ ఇద్దరి సంతోషానికి ప్రాధాన్యతను ఇస్తారు. ప్రేమ అంటే కేవలం తీసుకోవడమే కాదు ఇవ్వడం అని కూడా అని వారు గ్రహిస్తారు .అయితే అలాంటి భాగస్వామిని కోరుకునే ముందు మీలో అలాంటి లక్షణాలు ఉన్నాయో లేదో సరి చూసుకోండి. 

డెరాన్ ఇ షార్ట్ , రచయిత.. 

నాలుగు మంచి మాటలు 18-10-2026

 1 . ) ఉన్నది ఉన్నట్టుగా చెప్పే వాళ్లను మనం దూరం చేసుకుంటాము. అదే లేనిది ఉన్నట్లుగా చెప్పే వాళ్ళను అతి తేలికగా నమ్మేస్తుంటాము .ఎవరు చెప్పింది నిజమో మనకు అర్థమయ్యే లోపు మనల్ని మనగా గుర్తించి.. నిజాయితీగా ప్రేమించిన వాళ్లను దూరం చేసుకుంటాము.. అదే జీవితం..

.. ప్రజా కవి కాళోజీ.. 

2 . ) పరిస్థితులలో కాదు మీ ఆలోచనలలో తేడా రావాలి..

మీ చుట్టూ ఉన్న పరిస్థితులు ఎప్పుడూ సమస్య కానే కాదు. ఆ పరిస్థితుల గురించి మీ మనసు ఎలా ఆలోచిస్తుంది, ఎలాంటి ఆందోళనలకు గురవుతోంది అన్నదే అసలు సమస్య. ఏదైనా జరిగినప్పుడు ఆవేశంగా స్పందించే ముందు ఒక్క క్షణం ఆగి ప్రశాంతంగా ఆలోచించాలి. తర్వాత ఆ పరిస్థితులను ఎదుర్కోవాలి. 

..జిమ్ ముర్ఫి,మానసిక నిపుణుడు..

3 . ) నీరు బలంగా తాకినందుకు కాదు నిదానంగానే అయినా నిరంతరం తాకినందుకు రాయి నునుపుగా మారుతుంది.. అంటుంది ఒక ఆఫ్రికన్ సామెత. ఉండి ఉండి ఒక్కసారి శక్తులన్నీ కేంద్రీకరించే కన్నా, స్థిరంగా ప్రయత్న లోపం లేకుండా కృషి చేసే వారికి గెలుపు తథ్యం అని చెప్పడానికి దీనిని వాడుతారు. 

4 . ) పరస్పర గౌరవంతోనే బంధాలు మెరుగవుతాయి..

మీరు పరస్పర గౌరవానికి ప్రాధాన్యతను ఇచ్చినప్పుడు బంధాలు చాలా మెరుగుపడతాయి. ఎప్పుడు మీకోసం రానివారి కోసం సమయము కేటాయించడం మానేయండి. ఏకపక్ష బంధాన్ని కాపాడుకోవడం కోసం మీ అవసరాలను త్యాగం చేయకండి. మీకు తిరిగి శక్తినిచ్చే వారికి మీ శక్తిని కేటాయించండి .

కరోలిన్ లీఫ్.. లైఫ్ కోచ్..

5 . ) మార్కెట్ అత్యంత సురక్షితంగా ఉన్నట్లు అనిపించినప్పుడే ఇన్వెస్ట్ చేయడానికి అది ప్రమాదకర సమయం అని గుర్తించాలి .అలాగే మార్కెట్ అత్యంత ప్రమాదకరంగా ఉన్నప్పుడే ఇన్వెస్ట్ చేసేందుకు అది సురక్షిత సమయం అని గమనించాలి. మార్కెట్ పడిపోతున్నప్పుడే మంచి  షేర్లు మంచి తక్కువ ధరకు లభిస్తాయి. 

బ్రియాన్ ఫెరాల్డీ,పెట్టుబడి సలహాదారుడు..

నాలుగు మంచి మాటలు 16-10-2026

1 . ) మాట్లాడండి..

మీ మౌనం మిమ్మల్ని కాపాడదు. కానీ మీ గొంతు ఈ ప్రపంచాన్ని మీకు అనుకూలంగా మార్చగలదు .మీరు ఉన్న క్లిష్టమైన పరిస్థితి నుంచి మిమ్మల్ని గట్టెక్కించగలదు .జనం ఏమనుకుంటారో నన్న భయం విడిచిపెట్టండి. మీ మనసులో ఉన్నది బయట పెట్టేయండి..

తను శ్రీ దత్తా..నటి,మోడల్.

2 .)  నిరాశ అనే రుచి లేదు..

ప్రకృతి నిండా రుచులున్నాయి. నిరాశ అనే రుచి ఎక్కడా లేదు.ప్రకృతిలో లేని నిరాశ ,జీవితంలో మాత్రం ఎందుకుండాలి? ఆశల చిగురింతే జీవితం..

.. హిందూ ధర్మం.

3 . )  మీరు జీవితంలో గెలవాలంటే..

రాత్రి త్వరగా నిద్రకు ఉపక్రమిస్తే, ఉదయం తొందరగా మేల్కోవడం కష్టమేమీ అనిపించదు. ఇంట్లోకి జంక్ ఫుడ్ తెచ్చుకోకుంటే ..ఆరోగ్యకర ఆహారం తీసుకోవడం దానంతట అదే అలవాటుగా అవుతుంది. అనవసర ఖర్చులను తగ్గించుకుంటే ,పెట్టుబడుల కోసం డబ్బు మిగిలిపోతుంది.

 జీవితంలో గెలవాలంటే మీరు గొప్ప మేధావి అయ్యుండాల్సిన అవసరం లేదు. రోజువారి నిర్ణయాలను మెరుగ్గా తీసుకుంటే చాలు..

కెవిన్ షాబో.. కాపీ రైటర్..

4 . )  ఆరోగ్యకరమైన మార్పులు సమాజానికి వింతగా కనిపించవచ్చు..

 మనలో వచ్చే మంచి మార్పులను సమాజం కొన్నిసార్లు తప్పుగా అర్థం చేసుకోవచ్చు. మనం బరువు పెరుగుతున్నప్పుడు ఎవరు పట్టించుకోరు. కానీ మంచి ఆహారం తింటూ వ్యాయామం చేసి బరువు తగ్గితే మాత్రం" ఏమైనా అనారోగ్యమా " అని అడుగుతారు.

 అనారోగ్యకర అలవాట్లకు అలవాటు పడిన సమాజానికి నిజమైన ఆరోగ్యం వైపు అడుగులు వేయడం అనేది కూడా కొన్నిసార్లు వింతగానే అనిపిస్తుంది. 

సోమేష్ పాల్.. ఫిట్ నెస్ కోచ్..

5 . ) ఆత్మ న్యూనత వద్దు..

నిన్ను నీవు తక్కువ చేసుకోకు. ప్రయత్నం చేసి ఓడిపో కానీ ప్రయత్నం చేయడంలో ఓడిపోవద్దు .జీవితంలో వైఫల్యాలు భారం అని గ్రహించేవారు వాటి నుంచి గుణపాఠాలను నేర్చుకోవచ్చు. నువ్వు ధైర్యంగా ఒక అడుగు ముందుకు వేస్తే విజయం పది అడుగులు ముందుకు వస్తుంది. 

- విశ్వ కవి రవీంద్ర నాథ్ ఠాగూర్..

6 . )  వైఫల్యాలే అత్యుత్తమ పాఠాలను నేర్పుతాయి..

జీవితంలో విజయం సాధించడానికి కావాల్సింది డిగ్రీలు, డబ్బు కాదు. పట్టుదల, నేర్చు కోవాలనే బలమైన కోరిక. వైఫల్యాలు, తప్పులు, ఇబ్బందులే మనిషికి అత్యుత్తమ పాఠం నేర్పుతాయి. నిజమైన సృజనాత్మకత, పరిపూర్ణత మొదలైనవి ఇలాంటి అనుభవాల నుంచే పుట్టుకొస్తాయి.

 రాబర్ట్ గ్రీన్ రచయిత .

7 . ) చిన్న చిన్న విషయాలే..

చాలా తప్పులు,పొరపాట్లు,ప్రమాదాలు ఎందుకు జరిగిపోతుంటాయంటే ,మనం అన్నీ చూస్తాం కానీ దేన్నీ పరిశీలించం. చిన్న చిన్న విషయాలే అత్యంత ముఖ్యమైనవి నేను నమ్ముతాను.

సర్ ఆర్థర్ కానన్ డాయ్ ల్..ప్రసిద్ధ ఆంగ్ల రచయిత.

8 . ) మీ లిమిట్స్ నిజమైనవి కావు..

వెనక్కు లాగుతున్న ఏదైనా ఒక అంశాన్ని తీసుకోండి. ఉదాహరణకు నా వయసు అయిపోయింది .అనో లేక నా దగ్గర డబ్బు లేదు అనో మీరు అనుకోవచ్చు. మీలాంటి పరిస్థితుల్లో ఉన్న ఇతరులు ఎంతోమంది ఆటంకాలను దాటుకొని ముందుకు వెళ్తారు. అంటే దానర్థం మీ పరిమితులు నిజమైనవి కావు. అవి మీ ఆలోచనలు మాత్రమే.. 

డెరెక్ సివర్స్..రచయిత..

9 . ) మూడు ప్రశ్నలు..

మిమ్మల్ని మీరు కొన్ని ప్రాథమిక ప్రశ్నలు వేసుకోండి. నేను ఎలా ఉండాలనుకుంటున్నాను ..నాకు స్ఫూర్తిని ఇచ్చేది ఏమిటి? ఈ సమాజానికి నేనెలా తిరిగి ఇవ్వగలను.. ఈ ప్రశ్నలు వేసుకున్న తర్వాత మీ మార్గాన్ని మీరే నిర్దేశించుకోండి .ఎవరిని సలహాలు అడగకండి..

డివి సదానంద గౌడ.. కేంద్ర మాజీ మంత్రి.

10 . ) మీ బ్రేక్ ఫాస్ట్ లో ప్రోటీన్ ఉందా..

మీ రోజును అధిక ప్రోటీన్ ఉండే అల్పాహారం తో ప్రారంభిస్తే ..రోజంతా ఆకలిని నియంత్రించుకోవడం సులువవుతుంది.ప్రోటీన్ కడుపు నిండిన భావనను ఎక్కువ సేపు ఉంచడంలో సహాయ పడుతుంది..

వివేక్ గుప్తా.. ఫ్యాట్ లాస్ కోచ్..

11 . ) బలమైన వ్యక్తిత్వం..

బలహీనులే తమ స్థితి గతులకు బాధ్యత వహించరు.పరిస్థితుల మీదనో,ఇతరుల మీదనో నింద వేస్తారు.బలమైన వ్యక్తిత్వం ఉన్న వారు తాము నమ్మిన విలువలకు కట్టుబడి ఉంటారు.. ఆ క్రమంలో ఎలాంటి కష్ట నష్టాలనైనా ఎదుర్కొంటారు..

అమీష్ త్రిపాఠి,రచయిత..

12 . ) నిజాయితీ..

నేనెప్పుడూ గొప్ప సినిమాలు తీయాలనుకోలేదు.నిజాయితీ గల సినిమాలు తీయాలనుకున్నాను.మీకు తెలిసిన పాత్రలకు మీరు కట్టుబడి ఉంటే ,చివరికి ప్రపంచమే వచ్చి మీ సినిమా కోసం థియేటర్ లో చోటు సంపాదించుకుంటుంది.

13 .) జీవితం ప్రదర్శన కోసం కాదు..

మీ జీవితంలో చేసే పనులు కేవలం ప్రదర్శన కోసమే చేస్తున్నారా..లేదా మీ సొంత సంతృప్తి కోసం చేస్తున్నారా..అనేది ఒక సారి లోతుగా ఆలోచించుకోండి. ఇతరుల కోసం చేసే పనులు మిమ్మల్ని శూన్యంలోకి నెడితే .. మీ కోసం మీరు చేసే పనులు మీ జీవితానికి సరికొత్త శక్తినిస్తాయి.

జూలీ గుర్నార్,పెర్ఫార్మెన్స్ కోచ్.

14 . ) రెండో స్థానం..

రజతం గెలవటానికి ఉదయాన్నే ఎవరూ ఉత్సాహంగా నిద్ర లేవరు. స్వర్ణం కోసం ప్రయత్నించండి.సంకల్పం,ఆచరణ ఏకమైనప్పుడు మాత్రమే విజయం మీ చే చిక్కుతుంది.రెండో స్థానానికి సంసిద్ధం అవడం అంటే నిరాశతో చేయి కలపటమే..

బిల్ మెక్ డెర్మాట్, సర్వీస్ నౌ చైర్మన్.

15 . ) ఎలాంటి విషయాల గురించి ఆలోచిస్తున్నారు..

మీరు దేనినైతే పదే పదే పునరావృతం చేస్తారో , మీ మెదడు ఆ విషయంలో మరింత నైపుణ్యం సాధిస్తుంది. ఒక వేళ మీరు రోజూ గంటల తరబడి చెడు పరిణామాల గురించే ఆలోచిస్తూ ఆందోళన చెందితే .. మీ మనసు ఆందోళన చెందడానికి సాకులను వెతకడంలో నిపుణుడిగా మారిపోతుంది..

రాజ్ శమానీ .. పాడ్ కాస్టర్..

16 . ) టై,సూట్..

డబ్బు సంపాదించటానికి మీకు టై, సూట్ అవసరం లేదు.జ్ఞానం,వివేకం ఉంటే చాలు.మార్కెట్ లో మొదట సరస్వతి/ జ్ఞానం పై దృష్టి పెట్టండి.తద్వారా లక్ష్మీ/సంపద కటాక్షం కలుగుతుంది.సంపద సృష్టికి ఆర్థిక అజ్ఞానమే పెద్ద అడ్డంకి..

నీలేష్ షా, కోటక్ అసెట్ మేనేజ్ మెంట్ ఎండి..

17 . ) కళలు ఎందుకున్నాయంటే..

ఒక కూని రాగమైనా తీయకుండా ,ఒక్కసారైనా భళ్ళున నవ్వకుండా రోజు గడిచిందంటే అది జీవించిన రోజు కాదు,కోల్పోయిన సమయం.

జీవన వాస్తవాల నుంచి రక్షించడానికే మనకు కళలు ఉన్నాయి..

..ఫ్రెడరిక్ నీషే 

18 . ) మారాలి..

ఏఐ యుగంలో ఇక పాత స్టార్టప్ వ్యూహాలు పనిచేయవు. మీరు ఆత్మ విమర్శ చేసుకోవాలి. ఏఐలో అంత పురోగతి కనిపిస్తున్నప్పుడు ,అప్పటికప్పుడు అటువైపుగా మల్లటానికి మీతో సహా అన్నిటిలోనూ మార్పులు చేసుకోవాలి..

హార్జోత్ గిల్, కోడ్ రాబిట్ సీఈఓ 

నాలుగు మంచి మాటలు 12-10-2026

1 .)  విత్తనాలు..

మీ మనసు ఒక తోట లాంటిది. మీరు శాంతి, ఆనందం, కృతజ్ఞత అనే విత్తనాలను నాటక పోతే చింత, ఆందోళన అనే కలుపు మొక్కలు సహజంగానే పెరుగుతాయి. మన మానస్థిక స్థితిని మనమే మలుచుకోవాలి. సానుకూల ఆలోచన లను నాటుకోవాలి... హంసాజీ యోగేంద్ర, యోగ గురువు

2 . ) మనసుకు ఎలాంటి సమాచారం ఇవ్వాలంటే.. 

మీ మనసుకు మీరు అందిస్తున్న సమాచారం పట్ల చాలా జాగ్రత్తగా ఉండండి.మీరు రోజూ కేవలం ఆర్థిక కష్టాలు,పెరుగుతున్న ధరలు, వ్యాపార నష్టాలు,డబ్బు సంపాదనలో ఉండే అడ్డంకుల గురించి తెలిపే సమాచారాన్నే చూస్తుంటే..భవిష్యత్తులో ఇక కష్టపడినా ఎలాంటి అర్థం లేదు అని మీరే నమ్మడం ప్రారంభిస్తారు.

- ఓ. పీ. జిరి,ఫైనాన్షియల్ మెంటార్..

3 . ) ఉచిత పథకాలతో..

కేవలం ఉచిత పథకాలు ఇవ్వడం వల్ల మహిళల జీవితాలు మారిపోవు.వారికి స్థిరమైన ఉపాధి అవకాశాలు, సొంత సంపాదనకు దారులు చూపించినప్పుడు మాత్రమే నిజమైన అభివృద్ధి సాధ్యమవుతుంది.

- జయతీ ఘోష్, ఆర్థిక వేత్త.

4 . ) ఆరోగ్యకర జీర్ణ వ్యవస్థ తోనే..

పేగుల గోడ కేవలం ఒకే పొర కణాలతో నిర్మాణమై ఉంటుంది. జంక్ ఫుడ్ లేదా ప్రాసెస్ చేసిన ఆహారం తిన్నప్పుడు ఆ రక్షణ పొర దెబ్బ తింటుంది.దాంతో హానికర క్రిములు రక్తంలోకి చేరతాయి.ఇవి శరీరంలోని ఇన్ఫ్లమేషన్ ను పెంచి ఇన్సులిన్ పని చేసే విధానం దెబ్బ తీస్తాయి. జీర్ణ వ్యవస్థ ఆరోగ్యంగా ఉంటేనే జీవక్రియను మెరుగు పరుచుకోవచ్చు.

- సుమిత్ శర్మ,డాక్టర్.

5 . ) ప్రతి నిర్ణయానికి వివరణ అవసరం లేదు..

మీరు ఎదుటివారి జీవితం నుంచి ఎందుకు వెళ్ళిపోయారో వివరించాల్సిన అవసరం ఉందని ఒక దశ తర్వాత మీకు అనిపించదు.ఎందుకంటే మీతో కలిసి ఆ పరిస్థితిని అనుభవించిన వారికి అసలు నిజం ఏంటో తెలిసే ఉంటుంది మిమ్మల్ని అర్థం చేసుకోని వారికి వేయి మాటలు చెప్పినా వారిలో మార్పు రాదు. మీ ప్రతి నిర్ణయానికి అందరి మద్దతు అవసరం లేదనే నిజం గ్రహించినప్పుడే అసలైన స్వేచ్ఛ దొరుకుతుంది.

- డేవ్,కంటెంట్ క్రియేటర్.

6 . ) డబ్బు ఆదా కు సులభ మార్గాలు..

పెళ్ళికి ముందే మీ కెరీర్,సంపాదనను సెట్ చేసుకోవడం,డిజిటల్ పేమెంట్స్ కాకుండా క్యాష్ వాడడం,భారీ అద్దె ఖర్చులను తగ్గించుకోవడం,విలాసాల కోసం అప్పులు చేయకపోవడం..లాంటివి డబ్బును ఆదా చేయడం లో సహాయ పడతాయి.

- మార్క్ టిల్బరీ, ఆంత్ర ప్రేన్యూర్ 

7 . ) శిక్షణ అనేది. 

ప్రయత్నం లేకుండానే తన లక్ష్యాన్ని సాధించగలనని భావించడం ,శిక్షణ లేని మనసు లక్షణం. కేవలం ఆశించడం వల్ల ఏమీ సాధించలేము... అలైస్టర్జ్ క్రౌలీ.. 

8 . ) టీమ్ వర్క్..

ఒక బృందంగా ఏదైనా సాధించడంలో ఉండే ఆనందం, వ్యక్తిగత విజయాని కన్నా చాలా గొప్పది .ఒక్కరి ప్రతిభ మిమ్మల్ని కొంత దూరం మాత్రమే తీసుకు వెళ్ళగలదు . వ్యాపారము మొదలు ఏ ఇతర రంగంలో నైనా సంపూర్ణ విజయానికి జట్టు కృషి యే కీలకం.. కుమార మంగళం బిర్లా,ఆదిత్య గ్రూప్ చైర్మన్.. 

పెన్ ఆంటీ.. రతన్ బామ్మ@పుణె

నడక తడబడుతున్న చేతులు వణుకుతున్న ఎండ వానలను లెక్క చేయకుండా కొందరు వృద్ధులు పనులు చేస్తుంటారు. పేదరికం వల్ల, తప్పనిసరై ,బిడ్డలకు భారం కాకుండా, తాము ఒక చేయి వేయాలని కష్టం చేయడానికి  వాళ్లు రోడ్డు ఎక్కుతారు. ఏవైనా వస్తువులు అమ్మడం, హస్తకళా రూపాలు తయారు చేయడం, పాటతోను, వాద్యంతోను, అలరించడం చేస్తూ ఉంటారు. ప్రతిఫలంగానే తప్ప ఉచితంగా డబ్బు తీసుకోరు. సిగ్నల్ దగ్గర, బస్టాండ్లలో, రైల్వే స్టేషన్ఇ లలో ఇలాంటి వారు  ఎందరో కనిపిస్తుంటారు. కాకపోతే చూసే వారే తక్కువ, ఫోను తెరని తప్ప మరి దేనిని అంతగా పరిశీలించి చూసే అలవాటు తప్పిన ఈ రోజులలో ,ఆ ఫోన్ ద్వారా నే ఆ వృద్ధులకు తమ వంతు సహాయం చేస్తున్నారు కొందరు. నిజమైన హీరోలు వన్ టూ సామాజిక మాధ్యమాలలో వారు పంచుకుంటున్న ఫోటోలు మన సమాజం గురించి ఎన్నో విషయాలు చెబుతున్నాయి. 

ఐ డోంట్ వాంట్ టు బెగ్ - ప్లీజ్ బై మై పెన్స్అంటూ  ప్లకార్డ్ పట్టుకున్న వృద్ధురాలు ఆత్మ గౌరవానికి నెటిజన్లు ఫిదా అయ్యారు. మహారాష్ట్రలోని పూణేలో పెన్ ఆంటీ గా పేరు పొందిన రతన్ బామ్మ కొన్ని నాళ్ళ క్రితం సోషల్ మీడియాలో సెన్సేషన్ అయ్యింది. పెన్ను 10 రూపాయలు అంటూ బోసి నోటితో నవ్వుతున్న ఆమె ముఖం చూసి కొనకుండా ఎవరైనా ఉండగలరా ..నిజామాబాద్ పాత బస్టాండ్ దగ్గర ఎండలో పూలు అమ్ముతూ ఎదురైన వృద్ధురాలిని చూసి యువకుడు జాలిపడ్డాడు. జేబులోంచి నోటు తీసి ఇవ్వబోయాడు.. పూలు తీసుకో బాబు అప్పుడే ఈ డబ్బులు నావి అవుతాయి అంటూ దండం పెట్టింది ఆమె. కరోనా లాక్ డౌన్ తో గిరాకీ లేక కన్నీళ్లు పెట్టుకున్న ఢిల్లీలోని ఒక చిన్న హోటల్ దంపతుల గాథ  ఎందరినో  చలింప చేసింది. మా దగ్గర భోజనం చేయండి చాలు అంటూ ఒక వీడియోలో ప్రాధేయపడడంతో వాళ్ల బాబాకా దాబా ముందు జనాలు క్యూ కట్టారు. ముంబై రైళ్లలో చాక్లెట్లు బిస్కెట్లు అమ్ముతున్న 90 ఏళ్ల తాతయ్య, సెరిబ్రల్ పాలసీతో బాధపడుతూ కూడా తన కాళ్ళపై తాను నిలబడాలని కొంగర్లు తిరిగిన వేళ్ళతోనే వీడియో ఎడిటింగ్ చేస్తున్న 22 ఏళ్లకు యువకుడు.. ఇలాంటి ఎందరో ఏరీలు లోనో కనబడతారు .స్వావలంబన ,నిజాయితీలకు నిదర్శనాలుగా నిలుస్తారు.

ఉరుకులు పరుగుల జీవితంలో అందరిలా తలవంచుకుని ఫోను చూసుకుంటూ పోకుండా, తలెత్తి చుట్టూ చూసిన యువతరానికి కనపడిన సమాజ ప్రతిబింబాలు పైన చెప్పిన వాళ్ళు. వారిని చూసి ఒక్క క్షణం అయ్యో పాపం అని జాలిపడి స్క్రోల్ చేస్తూ మరుక్షణం లో మర్చిపోయే వారు ఎందరో. ఆత్మగౌరవంతో బ్రతికే ప్రయత్నం చేస్తున్నందుకు అబ్బురపడి మరొకరికి షేర్ చేసేవారు కొందరు .ఇంకొందరు ఉంటారు ,వారి వివరాలు తెలుసుకొని చేతనైన ఆర్థిక సహాయం చేసి మౌనంగా తమ పని తాము చూసుకుంటారు.వారిది ఆత్మ గౌరవం, వీరిది మానవీయ హృదయం . ఇద్దరికీ జోహార్లు చెప్పడం మన కనీస కర్తవ్యం.

మహిళా జన అధికార్ సమితి,అజ్మీర్, రాజస్థాన్.

 డిజిటల్ యుగానికి అనుగుణంగా గ్రామీణ మహిళలకు నైపుణ్యాలను అందించడానికి ఎం జె ఏ ఎస్ చేస్తున్న ప్రయత్నాల్లో ఈ ఫిల్మ్ మేకింగ్ కోర్స్ ఒక భాగం. మొదట అన్హాద్ ఫిలిమ్స్ వీరికి శిక్షణ ఇచ్చింది .ఇప్పుడు డిజిటల్ రంగంలో అగ్రగామిగా ఉన్న పీర్ నేతృత్వంలోని మోడల్ విజయవంతం అయింది. వీరి ఆధ్వర్యంలో శిక్షణ పొందిన మహిళలు ఇప్పుడు ఇతరులకు ట్రైనింగ్ ఇస్తున్నారు.

బాల్యవివాహాల  సంకెళ్లలో చిక్కుకొని కష్టాల పాలైన అజ్మీర్ గ్రామీణ మహిళలు ఇప్పుడు చిన్న చిన్న సినిమాలను రూపొందిస్తున్నారు .డిజిటల్ యుగానికి అనుగుణంగా ఈ గ్రామీణ మహిళలు సాంకేతిక నైపుణ్యాలను నేర్చుకుని మహిళా కార్మికుల దయనీయ జీవితాలు గృహహింసపై అవగాహన కల్పించే ప్రయత్నం చేయడమే కాదు.. చాలావరకు విజయం సాధించారు కూడా . వీరు తమ ఆలోచనలను  సినిమా రూపకంగా గ్రామీణుల ముందుకు తీసుకువచ్చి సరికొత్త జీవన విధానం గురించి అవగాహన కల్పిస్తున్నారు. డిజిటల్ రంగంలో నైపుణ్యం సాధి ంచిన వీరు శిక్షకులుగా మారి మారుతున్న గ్రామీణ భారతానికి ఉదాహరణగా నిలుస్తున్నారు.

రాజస్థాన్లోని అజ్మీర్ లో అత్యంత సామాన్యంగా ఉండే రెండు అంతస్తుల భవనం ఉంది .అక్కడ ప్రతి ఉదయం ఒక నిశ్శబ్ద విప్లవం మేలుకుంటుంది. అన్ని వయసుల మహిళలు అక్కడ కనిపిస్తుంటారు. వారంతా బాల్య వివాహాల సంకెళ్ళకు బందీలే .నేడు ఆ మహిళలు బాలికలకు సాధికారత కలిపించడానికి మహిళా జన అధికార సమితి కార్యాలయంలోకి అడుగుపెడుతున్నారు. వీరంతా కెమెరాలు తీసుకొని షూటింగులకు వెళుతున్నారు. మరికొందరు తమ సినిమాలను ఎడిట్ చేయడానికి కంప్యూటర్ స్క్రీన్ల ముందు ఉంటున్నారు. అంతా కలిసి వారు కొత్త భవిష్యత్తుకు ఒక్కొక్క ఫ్రేమ్ నుస్క్రిప్ట్ చేస్తున్నారు.

డిజిటల్ అక్షరాస్యత ..మహిళా జన అధికార సమితి ఆఫీసులో 30 మందికి పైగా మహిళలు చిత్ర నిర్మాణం ఎడిటింగ్  నైపుణ్యాలను నేర్చుకుంటున్నారు. వారి కుటుంబాలలో కెమెరా పట్టుకొని ప్రపంచంపై దృష్టి సారించిన మొదటి వ్యక్తులు వీరే .పాతికేళ్ల క్రితం భూమి హక్కుల కోసం కుల వివక్ష బాల్యవివాహాలు పరువు హత్యలకు వ్యతిరేకంగా పోరాడిన మహిళల నేతృత్వంలోని అట్టడుగు వర్గాల నుంచి ఈ మహిళ జన అధికార సమితి పుట్టుకు వచ్చింది .నేడు అక్కడి మూడు జిల్లాలలో ఈ సమితి తన ఉనికిని కొనసాగిస్తోంది. డిజిటల్ అక్షరాస్యత, నాయకత్వ కార్యక్రమాలు, లింగ సమానత్వం, గృహహింసపై దృష్టి సారించింది. మహిళల ఆందోళనలను వ్యక్తపరచడానికి వారి జీవితాలలో, సమాజాలలో సానుకూల మార్పును తీసుకురావడానికి ఒక వేదికను ఏర్పాటు చేసింది.

గ్రామీణ మహిళల చేతిలో కంప్యూటర్ స్క్రీన్..

 ఈ ఆఫీసులోకి వెళ్లి చూస్తే ఎడిట్ రూమ్ లో 19 ఏళ్ల మంజు రావత్ తదేక దీక్షతో తన డెస్క టాప్ పైన సినిమాను ఎడిట్ చేస్తూ కనిపిస్తుంది .రెండేళ్ల క్రితం ఈ ఎన్జీవో లో చేరినప్పుడు ఆమె ఏకైక లక్ష్యం డిజిటల్ అక్షరాస్యత పొందడం .అయితే స్క్రిప్ట్, ఇంటర్వ్యూ ,కెమెరా వర్క్ తో సహా మహిళలకు ఫిల్మ్ మేకింగ్ నేర్పించాలని సంస్థ తీసుకున్న నిర్ణయం ఆమెలో ఆసక్తిని కలిగించింది. కంప్యూటర్ను ఎలా ఉపయోగించాలో నేర్చుకోవడానికి మొదట మా ఇంటి నుండి బయటకు వచ్చినప్పుడు అందరూ నన్ను చూసి నవ్వారు. కుటుంబంతో పాటు ఇరుగుపొరుగు వాళ్ళు ఆమె ఎలా తిరుగుతుందో చూడండి అనేవారు. కానీ వారి మాటలను పట్టించుకోలేదు అని చెబుతుంది మంజు రావత్. నాలుగేళ్ల వయసులోనే 20 ఏళ్ల వాడితో ముడిపెట్టిన చాందస కుటుంబం నుండి వచ్చిన రావత్ ఇప్పుడు తనలాంటి మహిళల సమస్యల పైన దృష్టి సారిస్తూ షార్ట్ ఫిలింలు తీసింది.

రావత్ చెల్లెలు సంజు వయసు 19 సంవత్సరాలు, ఆమె అజేసర్ గ్రామంలోని దినసరి కార్మికుల జీవితాలను చిత్రీకరించింది .

సవాళ్లను ఎదిరిస్తూ.. 24 ఏళ్ల భగవతి దేవికి 15 ఏళ్ల వయసులో  పెళ్లయి ంది. ఆమె తన గ్రామం భవానీ నుండి అజ్మీర్ కు ప్రతిరోజు 30 కిలోమీటర్ల దూరం ప్రయాణించేది .భగవతీదేవి ముసుగు ధరించే ఆచారం పైన, తగిన ధ్రువపత్రాలు లేకపోవడం వల్ల సంక్షేమ పథకాల నుండి మినహా యించిన సంచార జాతి ఘమంతు తెగపై సినిమాలను నిర్మించింది. కోర్సు నేర్చుకుంటున్న మహిళలందరూ ఒక్కొక్కరు ఒక్కో సినిమా తీశారు. వీరంతా పురుషుల నుంచి కుటుంబాల నుంచి తీవ్రమైన అణచివేతను ఎదుర్కొన్నవారే. 2025 ఏడాది మొదట్లో 23 ఏళ్ల సంత్ర చౌరాసియా, భగవతి దేవి మరో ఇద్దరూ కిషన్ ఘడ్ లో ఒక పెళ్లిని చిత్రీకరించారు. ఇది వారి మొదటి ప్రొఫెషనల్ ప్రాజెక్ట్. వీరు తీసిన సినిమాలను చూసిన స్థానిక మహిళలు సంతోషిస్తుండగా పురుషులు మాత్రం తీవ్రంగా వ్యతిరేకిస్తున్నారు. ఎన్ని సవాళ్లు ఉన్నప్పటికీ మేమంతా ఒక్కటిగా నడుస్తాం. ఏ అమ్మాయి అయినా మా డిజిటల్ క్లాసులకు రాలేక పోతే మేమే వారి ఇంటికి వెళ్లి వెంటబెట్టుకొని వస్తాం .కుటుంబ ఒత్తిడి కారణంగా ఎవరు ఈ డిజిటల్ చదువు మానేయకుండా చూసుకోవాలని మేమంతా నిర్ణయం తీసుకున్నాం అని 22 ఏళ్ల మేరీ అంటున్నారు..

గతంలో మా కాలనీలో ఎడిటింగ్ నేర్చుకోవడానికి ఇంటి నుండి బయటకు వెళ్లే ఏకైక వ్యక్తిని నేనే. ఇప్పుడు చాలామంది మహిళలు నాతో చేరారు. ఇది మా సమిష్టి విజయం అని 21 ఏళ్ల ట్రైనర్ సమీరా భాను గర్వంగా చెబుతున్నారు. స్థానికంగా మహిళలు ఎదుర్కొంటున్న రకరకాల సమస్యల పైన సినిమాలు తీస్తూ వాటిని గ్రామంలో ప్రదర్శిస్తూ అవగాహన తీసుకువస్తున్నారు. మహిళాభివృద్ధికి ఏ విధంగా తోడ్పాటును అందించాలో తమ సినిమాల ద్వారా చూపుతున్నారు ఈ మహిళలు.

షీల్డ్ షూర్ ఇన్సూరెన్స్ ,థానే

 చిన్న పట్టణాలకు చెందిన ముగ్గురు మహిళలు కలిసి మన దేశ భీమా రంగంలో కొత్త అధ్యాయానికి శ్రీకారం చుట్టారు సంకల్ప బలం కలిగిన ఆ మహిళలు ఎవరంటే నైనా చౌహాన్ ,అనుశ్రీ వాస్తవ, షీబా నాజ్.

ఈ ముగ్గురు మహిళలు మన దేశంలో తొలిసారి డిస్కౌంట్ ఆధారిత బీమా స్టార్టప్ షీల్డ్ ఇన్సూరెన్స్ ప్రారంభించారు. థానే ప్రధాన కేంద్రంగా ప్రారంభమైన ఈ స్టార్టప్ కు నైనా చౌహాన్ ఫౌండర్, అను శ్రీ  శ్రీ వాస్తవ కో ఫౌండర్, షీబా నాజ్ సి ఓ ఓ గా వ్యవహరిస్తున్నారు.

ప్రతి భారతీయ కుటుంబానికి భీమాను అందుబాటులోకి తీసుకురావాలి అనే లక్ష్యంతో స్టార్టప్ ప్రారంభించారు వీరు. మిగిలిన కంపెనీలతో పోల్చితే షీల్డ్ ష్యూర్ ను ప్రత్యేకంగా నిలబెట్టేది మహిళా సాధికారికత పట్ల దాని బలమైన నిబద్ధత అంటుంది కోపౌండర్ అనుశ్రీ. దీనిలో 90 శాతం మందికి పైగా ఉద్యోగులు మహిళలే కావడం విశేషం. క్షేత్రస్థాయిలో కూడా ఎక్కువమంది మహిళలే ఉండేలా చూసుకోవాలని లక్ష్యంగా పెట్టుకున్నారు. మా లక్ష్యం బీమాను అందుబాటులోకి తీసుకురావడమే కాకుండా భారతదేశం అంతటా మహిళలకు ఆర్థిక స్వాతంత్రాన్ని సృష్టించడం అంటుంది ఫౌండర్ నైనా. ప్రతి బీమా పాలసీపై ఐదు నుండి 25% డిస్కౌంట్ కూపన్లను అందిస్తోంది వీరి సంస్థ.

పర్యావరణహిత.. ప్రాజెక్టు ముంబై

 ప్లాస్టిక్ వ్యర్ధాలను పునర్వినియోగంలోకి తీసుకురావడానికి ముంబైలోని స్వచ్ఛంద సంస్థ " ప్రాజెక్టు ముంబై " ప్లాస్టిక్  రీసైక్లోథాన్ కార్యక్రమానికి శ్రీకారం చుట్టింది. చిన్నగా మొదలైన ఈ కార్యక్రమం ఉద్యమ స్థాయికి చేరింది. సాధారణ పౌరులు ఈ ఉద్యమంలో భాగమవుతున్నారు.

ప్రాజెక్టు ముంబైకి చెందిన స్వచ్ఛంద సేవకులు ఇంటింటికి వెళ్లి ప్లాస్టిక్ వ్యర్థాలను సేకరిస్తారు. విద్యార్థుల కోసం పాఠశాలలు కాలేజీలలో అవగాహన సదస్సులు నిర్వహిస్తోంది ప్రాజెక్టు ముంబై.  పౌరుల నేతృత్వంలో ప్లాస్టిక్ ని రీసైకిల్ చేయడానికి ఏర్పడిన అతిపెద్ద సంస్థగా లింకా బుక్ ఆఫ్ రికార్డ్స్ లో చోటు సాధి ంచింది ప్రాజెక్టు ముంబై. ఇప్పటివరకు 500 టన్నుల ప్లాస్టిక్ వ్యర్ధాలను పునర్వినియోగంలోకి తీసుకువచ్చింది. పార్కులలో పిల్లలు కూర్చునే బెంచీలను ,ఆడుకునే అందమైన బొమ్మలను, అందమైన చెత్త బుట్ట లను,ఇలా రకరకాల వస్తువులను తయారు చేసి ప్లాస్టిక్ ను పునర్వినియోగంలోకి తీసుకువచ్చింది.

బెంగళూరు రమేష్ బాబు

 బెంగళూరుకు చెందిన రమేష్ తండ్రి బార్బర్ గా పని చేసేవాడు. రమేష్ ఏడేళ్ల వయసులో ఉన్నప్పుడు తండ్రి చనిపోయాడు. కుటుంబ భారాన్ని భుజాల ఎత్తుకున్న తల్లి ఇండ్లలో పనిచేసేది .కుటుంబానికి ఆర్థిక ఆసరా కోసం చిన్న వయసు నుంచే న్యూస్ పేపర్ లు అమ్మడం ,పాల ప్యాకెట్లు అమ్మడం మొదలైన పనులు చేసేవాడు రమేష్ .హై స్కూల్ చదువు పూర్తయిన తర్వాత పై చదువుల కోసం రోడ్డు పక్కన చిన్న సెలూన్ షాప్ నడిపేవాడు. తాను పొదుపు చేసిన డబ్బుతో 1993లో మారుతి వ్యాను తీసు. అది అతని జీవితాన్ని మలుపు తిప్పింది. ఈ వ్యాన్ ను అద్దె కి తిప్పే వాడు..

ఒక్కొక్క మెట్టు ఎక్కుతూ రమేష్ టూర్స్ అండ్ ట్రావెల్స్ పేరుతో కార్ రెంటల్స్ కంపెనీ ప్రారంభించే స్థాయి కి చేరుకున్నాడు. రోల్స్ రాయిస్ ఘోస్ట్, బీఎండబ్ల్యూ, ల్యాండ్ రోవర్, డిఫెండర్ మొదలైన వాటితో తన కంపెనీని లగ్జరీ కార్ రెంటల్ సర్వీసెస్ స్థాయి కి తీసుకువెళ్లాడు.

 ప్రస్తుతం కంపెనీ 400 వాహనాలను ఆపరేట్ చేస్తోంది. మన దేశానికి సంబంధించి లగ్జరీ టాక్సిస్ సెగ్మెంట్లో రమేష్ బాబు మార్గదర్శిగా నిలిచాడు. తాజాగా రమేష్ బాబు తన కంపెనీలోకి మూడు కోట్ల 20 లక్షల విలువైన రేంజ్ రోవర్ లాంగ్ వీల్ బేస్ తీసుకొచ్చాడు. దీనికి సంబంధించిన ఫోటోలను కంపెనీ అధికారిక ఇంస్టా గ్రామ్ పేజీలలో షేర్ చేశారు. ఈ ఫోటోలో తన కుటుంబ సభ్యులతో కనిపిస్తారు రమేష్ బాబు.

శ్యామ హంగామా.. శ్యామా ద గామా

 నవ్వించడం అంటే నవ్వులాట ఏమీ కాదు యాగం ఎవరైనా చేయవచ్చు కానీ నలుగురిని నవ్వించాలంటే మాత్రం యోగం ఉండవలసింది అలాంటి యోగాన్ని పొంది హాస్య యాగాన్ని చేస్తున్నారు ప్రముఖ స్టాండ్ అఫ్ కమెడియన్ శామా హరిణి వేసే ప్రతి పంచుపండిన ముల్లులా అది ఎవరిని గుచ్చకపోవడం ఆమె ప్రత్యేకత నలుగురు నడవని దారులు నడుస్తూ పదవుని పగలబడి నవ్వించే ఆమె ఈ విభిన్నమైన వృత్తిలోకి ఎలా వచ్చారు అందులో తన ప్రయాణాన్ని ఎలా కొనసాగిస్తున్నారు అంటే

హాస్యం ఎక్కడి నుంచో పుట్టదు మన రోజువారి జీవితంలో జరిగే సంఘటనలోనే దానికి మూలాలు ఉంటాయి. నేనైతే ప్రోగ్రాములకు స్క్రిప్ట్ తయారు చేసేటప్పుడు నాకు తారాసపడ్డ సందర్భాలని తీసుకుంటా వాటినే కాస్త నవ్వు పుట్టించేలా చెబుతా అందులో వాస్తవానికి దూరంగా మనం మాట్లాడుకోలేని విధంగా ఉండే జోకులకు ఆస్కారం ఉండదు కదా బహుశా అందరూ నా హాస్యాన్ని సున్నితంగా ఉందని హుందాగా ఉంటుందని అనడానికి కారణం ఇదేనేమో దాని వల్లే నేను షోలు చేసేటప్పుడు నలుగురు కనెక్ట్ అవుతున్నారని అనుకుంటాను మనం గమనిస్తే స్కూలు కాలేజీ ఆఫీసు ఫంక్షన్లు ఇలా ప్రతి చోటా జరిగే సంఘటనలు హాస్యం తొంగి చూస్తూ ఉంటుంది మీకు ఒక ఉదాహరణ చెబుతాను మనం చిన్నప్పుడు ఇంగ్లీష్ కర్సివ్ రైటింగ్ రాసే వాళ్ళం గుర్తుందా నిజానికి అప్పటికే కంప్యూటర్లు వచ్చేశాయి అయినా కాపీ బుక్ లలో రోజు కలిసి రైటింగ్ రాయించేవారు ఒకవేళ రాయకపోతే వీళ్ళ మీద చేతి మీద కొ ట్టేవారు అసలు రాసేదే చేతితో దాని మీదే కొడితే మళ్ళీ ఎలా రాయగలమండి అసలు నాకీ విషయమే అర్థం కాదు అనగానే ఎవరైనా సరే పక్కన నవ్వేస్తారు ఇలాంటి క్లాస్ రూమ్ జోకులు నా కామెడీలో చాలా చూడవచ్చు

నాటకాల నుంచి ఇలా స్టాండప్ కామెడీ వైపు రావాలని నేను చిన్నప్పటినుంచి కంకణాలు తాయత్తులో అది ఏమీ కట్టుకోలేదు అలా జరిగిపోయింది అంతే అలా ఎలా జరిగిందో కూడా చెబుతాను మా నాన్న వాళ్ళ విజయవాడ అమ్మది బందరు నా చిన్నతనంలో ఎక్కువగా బందర్ కు వస్తూపోతూ ఉండేవాళ్ళం అయితే నాన్న వ్యాపార రీత్యా మేము చెన్నైలో స్థిరపడ్డాం. నా చదువు కూడా ఇక్కడే కొనసాగింది నేను ఎమ్మె చేశాను డిగ్రీలో ఉండగానే పాకెట్ మనీ కోసం పార్ట్ టైం జాబ్ చేసేదానిని అలా ఏవం అనే ఓ డ్రామా స్టాండ్ ప్రోగ్రాంలో కంపెనీలో ఆర్గనైజర్ గా చేరాను నాకు చిన్నప్పటినుంచి నాటకాలు అంటే ఇష్టము స్కూలు కాలేజీల్లో డ్రామాలు వేసే వాళ్ళం స్టేజీల మీద పెర్ఫార్మన్స్ ఇవ్వడం అన్నది ఓ సరదా దీనితో ఈ సంస్థలో పనిచేసే అప్పుడే స్టాండప్ కమెడి ప్రయత్నించాలన్న ఆలోచన వచ్చింది. స్క్రిప్ట్ తయారు చేసుకుని ప్రాక్టీస్ ప్రారంభించాను అలా నేను ఏమి మొదటి సంవత్సరంలో ఉండగా 2018లో నా తొలి స్టాండప్ కామెడీ షో చేశాను ప్రశంసలు బాగానే వచ్చాయి

అదే ఆనందం నా షో చూసి చాలా బాగుంది మీరు బాగా చెప్తారు అనడం చాలా సంతోషంగా అనిపిస్తుంటుంది ఎందుకంటే కళాకారులకు ప్రశంసకు మించిన పురస్కారం మరొకటి ఉండదు నాకు కారం లాంటి ఇష్టం అందుకే వాటికి సంబంధించిన డ్రెస్ లు ఎక్కువగా వేసుకుంటాను కార్పొరేట్ ఆఫీసులు ప్రైవేట్ ఈవెంట్లు ఇలా అన్నీ కలిపి ఇప్పటికీ 60 దాకా షోలు చేసి ఉంటాను తెలుగు తమిళం ఇంగ్లీష్ మూడు భాషల్లోనూ కార్యక్రమాలు చేస్తాను తెలుగులో యూట్యూబ్ కామెడీ షో ఖుషి ఖుషీగాలు విన్నర్ అయ్యాను అలాగే amazon prime వాళ్ళ కార్యక్రమం కోసం స్టాండ్ ఆఫ్ కమెడియన్లు అందరం రెండు నెలలు ఒకే హోటల్లో ఉండి ప్రదర్శనలు ఇవ్వడం ఒక మంచి అనుభూతి ఓటిటి ప్లాట్ఫామ్ ఆహాలు వేరమారి ఆఫీస్ అనే సిరీస్ తో పాటు తమిళ్లోనే మరో వెబ్ సిరీస్ నటించాను అది త్వరలో ప్రేక్షకుల ముందుకు రానున్నది నాకు దర్శకుడు జంధ్యాల గారి హాస్యం అంటే ఇష్టం ఫేవరెట్ కమెడియన్లు చాలామంది ఉన్నా బాగా నచ్చే కమెడియన్ అంటే శ్రీ లక్ష్మీ గారు అని చెబుతాను ఇక శ్యామా తగ్గామా పేరిట ఒక యూట్యూబ్ ఛానల్ ఇటీవలే ప్రారంభించాను ఒక మహిళగా ఆడవాళ్ళ సమస్యలను వాళ్లకు సంబంధించిన విషయాలను సున్నితంగా హాస్య రూపంలో నలుగురితో పంచుకుంటుంటాను ఈ రంగంలో మహిళా కమెడియన్లు తక్కువ మరింత మంది స్టాండ్ అప్ కమెడియన్లుగా వస్తే ఆడవాళ్లకు సంబంధించిన మరిన్ని విషయాలు ప్రస్తావనకు వస్తాయి అది తప్పకుండా స్త్రీలపై ఎదుటి వాళ్ళ దృష్టికి కూడా మారడానికి సహాయపడుతుంది అందుకే నాలాగే ఇంకొందరు ఆడపిల్లలు ఈ వృత్తి లోకి రావాలని ఆశిస్తాను అన్నారు శామాహారిణి

సాగర్ కన్వర్ రాజస్థాన్

 నువ్వేం చేయగలవు ఆడవాళ్లకు ఇవి అవసరమా ఇలాంటి మాటలు వినగానే నిరుత్సాహం ఆవరించి చేస్తుంది కానీ సాగర్ కన్వర్ 16 ఏళ్లకే పెళ్లి చేసిన సంప్రదాయాలు సామాజిక కట్టుబాట్లంటూ అడ్డుపడిన వాటన్నింటినీ దాటి ముందుకు వచ్చింది సేంద్రియ సాగుతూ వందల మంది మహిళల జీవితాల్లో మార్పు తెచ్చింది రాజస్థాన్లోని శిరోహి జిల్లాలోని వీరు వాడ అనేకు గ్రామం 16 ఏళ్లకే పెళ్లి చేసే అత్తారింటికి పంపించారు పుట్టింటి వాళ్ళు ఆ తర్వాత పిల్లల ఆలనా పాలన పొలం పాడిపన్నుల్లో భర్తకు సహాయం ఇలా ఒకదాని తర్వాత మరొక పని చేస్తూనే రోజులు గడిపేయడం తనకి నచ్చలేదు ఇంకా ఏదైనా చేస్తే బాగుంటుందని భావించింది ఆలోచించగా గ్రామస్తులకు ప్రధాన ఆదాయ వనరు అయిన పాల ఉత్పత్తిని పెంచేందుకు ఒక సొసైటీని ప్రారంభించాలనుకుంటే ఇంట్లో మొదట ఒప్పుకోకపోయినా తర్వాత సరైన అనడంతో తోటి వారిని కలుపుకొని ఆశ మహిళ మిల్క్ ప్రొడ్యూసర్ కంపెనీ లిమిటెడ్ పేరుతో సొసైటీ ప్రారంభించింది 

గ్రామస్తులకు ఇది బాగా ఉపయోగపడి పాల ఉత్పత్తి పెంచారు 2016లో టాటా ట్రస్ట్ డైరీ మిషన్తో పాటు జిల్లాలోని మరికొన్ని సంస్థలు వీరికి సాంకేతిక సహాయం అందించాయి సాగర్ సాధించిన ఈ తొలి విజయంతో సొసైటీ విస్తరించింది పరుగు గ్రామాల ప్రజలు ఇందులో సభ్యులుగా చేరారు మరోవైపు వ్యర్ధాలతో సేంద్రీయ ఎరువుల తయారీపై దృష్టి పెట్టింది అలా వచ్చిన ఉత్పత్తిని స్థానిక రైతులకు తక్కువకే విక్రయించడంతోపాటు తాను సేంద్రియ సాగు చేసి రైతుల్లో స్ఫూర్తిని రగిలించింది ఇవన్నీ అక్కడి వారి ఆదాయాలు గణనీయమైన మార్పులు తీసుకొచ్చాయి ఈ కృషికి గుర్తింపు గానీ ఈ ఏడాది జనవరిలో భారతీయ పరిశ్రమల సమాఖ్య సిఐఐ ఎక్సలెన్స్ అవార్డుని అందించింద

ఫార్మర్ ప్రొడ్యూసర్ ఆర్గనైజేషన్ ఎక్సలెన్స్ అవార్డును కూడా అందుకుంది ఇప్పుడు 400 మంది మహిళలతో స్వయం సహాయక సంఘాన్ని నడిపిస్తోంది సాగర్కి ఇద్దరు పిల్లలు అబ్బాయి ప్రేమ్ జీ విశ్వవిద్యాలయం నుంచి పట్టానందుకోగా అమ్మాయి బెంగళూరులో గ్రాడ్యుయేషన్ చేస్తుంది అసలు కుటుంబాన్ని పట్టించుకుంటున్నావా అంటూ చాలామంది విమర్శించారు ఇంకా బయట సమన్వయం కష్టమే గెలుపు కోసం ఓపిగ్గా ఎదురు చూడాలి అంతేకానీ కలని వదులుకుంటామా అంటోంది సాగర్ కణ్వర్.

గులాల్ గోట రంగుల కళ

 హోలీ అంటే మనకు రంగులే మనసులో మెదులుతాయి వాటితో పాటు సింథటిక్ వరణాలు చేసే హాని గుర్తుకొస్తుంది కానీ 400 ఏళ్ల నుంచి సహజ రంగులతో చేసే గులాల్ గోట రంగుల గురించి వింటే ఆశ్చర్యంగా అనిపిస్తుంది. ఆ కళ నీ బతికించిన  గుల్ రుక్ సుల్తానా కథ ఆసక్తికరమే

గులాల్ కోట ఇది సహజరంగుల నింపిన బంతులు చూడడానికే దృఢంగా ఉంటాయి కానీ తాకి తాకగానే పగిలి రంగులు వెదజల్లుతాయి వీటిని లక్కతో చేస్తారు ప్రత్యేకమైన నైపుణ్యం ఉంటే తప్ప ఈ బంతులు చేయలేరు ఇందులోని రంగులు మనకు ఏమాత్రం హాని చెయ్యవు అందుకే వాటికి అంత డిమాండ్ ఈ కళ 400ఏల క్రితం జైపూర్లో పుట్టింది రాజ కుటుంబాలు హోలీ ఆడుకోవడానికి కొన్ని ముస్లిం కుటుంబాలు ఈ గులాల్ గోటాలని తయారు చేసేవి అప్పట్లో హోలీ వస్తే ఈ కుటుంబాలకు క్షణం తీరిక దొరికేది కాదట కాలక్రమమైన సింథటిక్ రంగుల తాకిడి వల్ల వీటికి ఆదరణ తగ్గింది అయినా కొన్ని కుటుంబాలు మాత్రం ఈ కళని అంటిపెట్టుకొని ఉన్నాయి అందులో ఆవాజ్ మహమ్మద్ కుటుంబం ఒకటి ఆయన కూతురే గుర్ కుటుంబాన్ని పోషించడం కోసం చదువుకుని చదువుకు కూడా దూరమై గులాల్ గోటాలు తయారు చేసేది తనకి మరికొందరు తోడయ్యారు వీరంతా కలిసి చేసిన వీటిని జైపూర్ లోని గోవింద్ జి మధుర ఆలయాలతో పాటు బృందావనకు వెళ్తుంటాయి ఈ కళ తనతోనే అంతరించిపోకూడదని జైపూర్ ముంబై సూరత్లతోపాటు దుబాయ్ కి వెళ్లి ఎంతో మందికి శిక్షణ ఇచ్చారు ఈమె జేజేస్ స్కూల్ ఆఫ్ ఆర్ట్స్ పెరల్ అకాడమీ ఆయోజాన్ స్కూల్ ఆఫ్ ఆర్కిటెక్ట్ వంటి చోట్ల గెస్ట్ ఫ్యాకల్టీగా పనిచేసే ఎంతోమందికి ఈ కళా గొప్పదనం గురించి చెబుతున్నారు ఆమె కృషికి 2013లో యునెస్కో అవార్డు వరించింది. 

నిధిస్ గ్రాండ్ మా సీక్రెట్

 పెద్దల మాట పెరుగన్న మూట అని ఊరికే అనలేదు పెద్దల మాట నెలకు లక్షలాది రూపాయల ఆదాయాన్ని అర్జించే పెద్ద వ్యాపార సూత్రం గా మారిపోయింది

ముంబై కి చెందిన రజని నిధి గ్రాండ్ మా సీక్రెట్ పేరుతో సరదాగా ప్రారంభించిన హోం మేడ్ హెయిర్ ఆయిల్ బిజినెస్ సాఫ్ట్వేర్ ఇంజనీర్లకు ఉద్యోగంలో వచ్చే జీతం కన్నా ఎన్నో రెట్లు ఎక్కువ ఆదాయాన్ని చేకూర్తుంది దీనిని బట్టి ఏదైనా పాతకాలంనాటి కబుర్లు చెప్పిన పాత పద్ధతులు పాటించిన అంతా పాత చింతకాయ పచ్చడిలే అని తేలిగ్గా తీసేసేవారు ఇకపై ఆచితూచి మాట్లాడాలేమో ఎందుకంటే అప్పటి పాత ఫారం లోనే కదా ఇప్పుడు సక్సెస్ సూత్రంగా మారిపోయింది నిధి రొటేజాకి ఆదివారం సెలవును అమ్మమ్మ ఇంటిలో సరదాగా గడపడం అలవాటు నిధి అమ్మమ్మ రకరకాల ఔషధ మూలికలను మేళ నుంచి ఒక విధమైన తలను నేను తయారు చేసేది అలా ఆమె సొంతంగా తయారు చేసిన ఆయిల్ తో నిధి తలకు మర్దన చేసి కాసేపటి తర్వాత తలస్నానం చేయించేది అమ్మమ్మ చేతిలోనే మహత్యం వల్ల నిదికి తోటి విద్యార్థులు అందరూ కోళ్లుకునేంత నల్లటి ఉత్తమ కేశ నిధి ఉండేది.

చదువు తర్వాత అమ్మమ్మ ఊరికి వెళ్లడం బాగా తగ్గిపోయింది ఇంతలో దేశాన్ని అంతటినీ కుదిపేస్తున్న కోవిడ్ మహామారి గురుగ్రామం కూడా వదలలేదు అక్కడే ఉన్న నిధిని కూడా అసలు వదలలేదు ఫలితంగా నీది జుట్టు కుచ్చులు కుచ్చులుగా ఊడడం మొదలు పెట్టింది క్రమంగా ఆమెను ఇతరులు ఎవరూ పోల్చుకోలేనట్లు తయారైంది అది చూసిన నిధి తల్లికి చాలా బాధ వేసింది

తన అమ్మ నుంచి ఆ నూనె తయారీ ఫార్ములా అని తెలుసుకొని తన అత్తగారు ఈ విషయంలో ఏమైనా సహాయం చేయగలరా అని అడిగింది కోడలు చెప్పిన ఫార్ములాను ప్రయత్నించింది అత్తగారైన రజని ఎట్టకేలకు తయారైన ఆ ఆయిల్ ను నిధి తలకు రాసి మర్దన చేయడం మొదలుపెట్టారు ఆ అత్త కోడలు ఆశ్చర్యం కొద్ది రోజుల్లోనే ఆ నూనె మంచి ఫలితాలను ఇచ్చింది పోయిన జుట్టు స్థానంలో కొత్త జుట్టు రావడం మొదలైంది ఆమె ఉంటున్న అపార్ట్మెంట్లోని ఇతర ఫ్లాట్ల వాళ్ళు అది గమనించి ఎలా సాధ్యమైంది ఇదంతా అని అడిగి విషయాన్ని తెలుసుకున్నారు తమకు కూడా అలాంటి ఆయిల్ తయారు చేసే ఇమ్మని అడగడమే కాదు అడ్వాన్సుగా కొంత మొత్తాన్ని చేతిలో పెట్టడం మొదలుపెట్టారు ఇదేదో బాగుంది అనిపించింది నిధికి దాంతో తన నానమ్మ రజిని సహాయంతో అమ్మ సహకారంతో ఆయిల్ తయారీ ఆరంభించింది వీరి ఆయిల్ గురించి ఆ నోట ఈ నోట కాదు కొన్ని డజన్ల వాట్సాప్ గ్రూప్ లలో పడి మొదట్లో కొద్ది లీటర్లకే పరిమితమైన ఆయిల్ తయారీ పెద్ద ఎత్తున తయారు చేయాలన్న నిర్ణయం తీసుకునేలా చేసింది

దాంతో గత సంవత్సరం మార్చిలో నిధి రజినీ దువా కలిసి నితీష్ గ్రాండ్ మా సీక్రెట్ పేరుతో ఒకసారి కొత్త ఆయిల్ బ్రాండ్ ఉత్పత్తిని ప్రారంభించారు ఫలితంగా అందరి చుట్టూ పెరగడం మాట ఎలా ఉన్నా వీరి ఆదాయం మాత్రం ఇబ్బడి ముబ్బడిగా పెరిగింది ఇప్పుడు నీది రజిని తయారు చేస్తున్న ఈ ఆయిల్ 67 వేల ఇళ్లకు చేరింది నెలకు లక్ష బాటిల్ల తయారీతో నెలకు సుమారు 50 లక్షల రూపాయల ఆదాయాన్ని అర్జించిపెడుతోంది అమ్మమ్మ ఫార్ములా ప్రకారం ఇప్పుడు నిధి ఆమెతోపాటు ఆమె నానమ్మ గారు స్వచ్ఛమైన కొబ్బరినూనెలో 13 రకాల వనమూలికల కలగలుపుతో పెద్ద ఇనుప మూకుడులో కొన్ని గంటల పాటు మరగబెడుతూ కలుపుతూ తయారు చేసిన ఈ హోం మేడ్ ఆయిల్ ఇప్పుడు పెద్దపెద్ద యంత్రాలతో లక్షల బాటిల్ల తయారీ లక్ష్యాన్ని చేరుకుంది పాతకాలంనాటి ఫార్ములాను తేలికగా చూసేవాళ్ళు ఇకనైనా ఇలాంటి విద్యను అందిపుచ్చుకుంటే ఎవరి కాళ్ళ మీద వాళ్ళు  నిలబడడం సాధ్యమవుతుంది

గిరిజన గూడెంలో తొలి మహిళా జడ్జి

 తమిళనాడు జిల్లా తిరుపతూరు జిల్లా ఎలగిరి హిల్స్ కు చెందిన 23 ఏళ్ల గిరిజనురాలు వి శ్రీపతి సివిల్ జడ్జిగా అర్హత పొంది చరిత్ర సృష్టించారు సాధించారు ఇప్పటివరకు తమిళనాడులో గిరిజన మహిళా జడ్జి లేరు శ్రీపతి పరిచయం

ఆరు నెలల క్రితం తమిళనాడు తిరుపతూరు జిల్లాలోని ఎలా గిరి హిల్స్ నుంచి ఒక కారు చెన్నైకి బయలుదేరింది 4:30 గంటల ప్రయాణం లోపల ఉన్నది పచ్చి బాలింత అంతకు ముందు రోజే ఆమెకు ప్రసవమయ్యా ఆడపిల్ల పుట్టింది కానీ మరుసటి రోజు చెన్నైలో తమిళనాడు పబ్లిక్ సర్వీస్ కమిషన్ ఎగ్జామ్ ఉంది అందులో ఉత్తీర్ణత సాధిస్తే ఆమె సివిల్ జడ్జి పోస్టుగా అర్హత సాధిస్తుంది అందుకే ప్రయాణం చేస్తోంది ఆమె పేరు వి శ్రీపతి వైయస్ 23 ఆమెకు తోడుగా ఉన్నది భర్త వెంకటేష్ తండ్రి కలియప్పన్ కొండ ప్రాంతంలో పోడు వ్యవసాయం చేసుకొని తరతరాలుగా బతుకుతున్న మలయాళీ తెగలు ఆడపిల్లలు చదువుకోవడం చాలా విశేషం లా చేయడం ఇంకా విశేషం సివిల్ జడ్జి కావడం అంటే చరిత్ర

చురుకైన అమ్మాయి తిరువన్నామలై లోని గిరిజన గూడెంలో కలియప్పన్ అనే మలయాళీ రైతుకు తొలి కుమార్తెగా జన్మించిన శ్రీపతి పసిపాపగానే చురుగ్గా ఉండేది తిరువన్నామలై గిరిజన గ్రామాల్లో చదువు సరిగ్గా లేదు వీళ్ళ గూడెం నుంచి బస్సు ఎక్కాలంటే 15 కిలోమీటర్లు నడవాలి అందుకే కుమార్తె చదువు కోసం కలియప్పను అక్కడి నుంచి 100 కిలోమీటర్ల దూరంలో ఉన్న ఎలగిరి హిల్స్ తిరుపతి జిల్లాకు మక్కా మార్చాడు ఇక్కడ కొండల్లో వ్యవసాయమే అయినా వీళ్ళుండే అత్తనాపూర్లో ఇంటర్ వరకు చదివించే మిషనరీ స్కూల్ ఉంది అక్కడే శ్రీపతి ఇంటర్ వరకు చదువుకుంది ఇప్పుడు చదివి ఏం చేయాలంట అని తోటి వారు తండ్రిని తల్లిని ప్రశ్నించి ఇబ్బంది పెట్టిన వాళ్ళు తమ కుమార్తె చదవాల్సిందేనని ప్రోత్సహించారు గిరిజనుల హక్కుల కోసం మా గిరిజనులకు ఎలాంటి చట్టబద్ధమైన హక్కులు ఉన్నాయో మా వాళ్లకు తెలియదు వారిని చైతన్యవంతం చేయాలి వారి హక్కుల వారు పొందేలా చేయాలి అందుకే లా చదవాలని నిశ్చయించుకున్నాను అందు శ్రీపతి ఇంటర్లో మంచి మార్కులు రావడంతో ఐదేళ్ల లా కోర్సులో చేరింది చదువు సాగుతుండగానే అంబులెన్స్ డ్రైవర్గా పనిచేసే వెంకటేశం తో వివాహం జరిగింది. చదువు పూర్తయ్యాక సివిల్ జాడ్చే పోస్ట్ కోసం టిఎస్పిఎస్సి పరీక్ష రాసిన సమయానికి నిండు చూడాలి అయినప్పటికీ బిడ్డకు జన్మనిచ్చి పరీక్ష రాసింది ఇప్పుడు రిజల్ట్స్ వచ్చే సివిల్ జడ్జిగా పోస్ట్ వచ్చింది. ఈ సంగతిని ప్రస్తావిస్తూ తమిళనాడు సీఎం స్టాలిన్ తమిళ సినీ ప్రముఖులు అభినందనలు తెలియజేశారు తమిళ మీడియంలో చదువుకున్న వారికి ఉద్యోగాల్లో అవకాశం కల్పించే విధంగా ద్రవిడ మోడల్ ను ప్రవేశ పెట్టడం వల్ల శ్రీపతి సివిల్ జడ్జి కాగలిగిందని ఇలా మారుమూల ప్రాంతాల వారికి అవకాశం తగ్గాలని  ఆకాంక్ష వ్యక్తం చేశారు. 

జాతీయ స్థాయికి ఎంపికైన ఉప్పల్వాయి విద్యార్థి

 జనవరి 27 నుంచి ఫిబ్రవరి ఒకటో తేదీ వరకు విజయవాడలో జరిగినటువంటి సౌత్ ఇండియా సైన్స్ ఫెయిర్లు జిల్లా పరిషత్ ఉన్నత పాఠశాల ఉప్పల్వాయి పాఠశాల నుండి ఇంటలిజెంట్ హెల్మెట్ సిస్టం అనే ప్రాజెక్టు జాతీయ స్థాయికి ఎంపిక కావడం జరిగింది. ఈ ప్రాజెక్టు 9వ తరగతికి చెందినటువంటి నినావత్ బాబులు గైడ్ టీచర్ తృప్తి శ్రీనివాస్ సహకారంతో రూపొందించడం జరిగింది. జాతియ స్థాయికి ఎంపిక కావడం చాలా సంతోషకరంగా ఉన్నదని పాఠశాల హెచ్ఎం ఆనంద్ రావు తెలిపారు. 

ఎంత మాట్లాడితే అంత ఆయుష్షు

 

శ్రీమతి వాణి జయరాం..గాయని

 

రమణ్ దీప్ కౌర్.. బొటానికా ద నర్సరీ

 

నారియల్ అమ్మ..చెళ్లమ్మాల్